تعارف سورة الفاتحہ
یہ سورت ابتدائی مکی دور میں نازل ہوئی تھی۔ بعض مستند روایات کے مطابق یہ مدینہ میں دوبارہ نازل ہوئی۔ بسم اللہ سمیت اس کی سات آیات ہیں۔
یہ سورت قرآن کریم کے جملہ مضامین کا خلاصہ ہے۔ اسی لئے احادیث میں اس کا ایک نام اُمُّ الکِتاب بھی ہے۔ اس کے علاوہ اَور بھی بہت سے نام مذکور ہیں مثلاً فَاتِحَۃُ الکِتاب، اَلصَّلٰوۃ، اَلْحَمْد، اُمُّ الْقُرآن، اَلسَّبْعُ الْمَثَانِی، اَلشِّفَاء، اَلْکَنْز وغیرہ۔
اللہ تعالیٰ نے حضرت مسیح موعود علیہ السلام کو خاص طور پر اس سورت کی تفسیر کا علم دیا۔ چنانچہ حضورؑ نے خاص طور پر اس سورت کی تفسیر عربی زبان میں رقم فرمائی۔