ABOUT Шляхціц Завальня

Беларускамоўны хаб поп-культуры

Афіцыйнае кам’юніці "Шляхціц Завальня" ў Steam. Агляды, прэв’ю, абмеркаванні і не толькі! Далучайцеся!

Telegram [t.me]
YouTube

VIEW ALL

POPULAR DISCUSSIONS

VIEW ALL (2)

RECENT ANNOUNCEMENTS

Moe Era

5 February - NeonKage | 0 Comments

Moe Era – невыносная графаманія з расчароўваючым твістам і ніякімі персанажамі, не вартая таго, каб знаходзіцца ў вашай бібліятэцы нават безкаштоўна

Гэтую навэлу мне рэкламавалі ў першую чаргу музыкай, і гэта не магло не насцярожваць – рэкламаваць МОБУ ці шутэр 5на5 цікавымі дыялогамі і захапляльным сюжэтам было б у той жа ступені дзіўна. І ў цэлым я не памыліўся

Для пачатку, закрану некалькі пазітыўных аспектаў, якія усё ж такі прысутнічаюць. Па-першае, візуальна ўсё выглядае цудоўна, але мне здаецца, што ў дачыненні да візуальных навэл гэты камплімент ужо хопіць выкарыстоўваць, таму што на скрыншоты можна паглядзець, не запускаючы гульню. Па-другое, так, тут прысутнічае нядрэнныя кампазіцыі (2шт), пры гэтым арыгінальны саўндтрэк нічым не выдзяляецца і не ўражвае.

Пяройдзем да сутнасці, то бок да негатыўных аспектаў.

Сюжэт – адсутнічае. Так, яго няма. Дакладней, я не магу назваць гэта сюжэтам. Персанажы харкаюцца тэкстам табе на экран, але гэта не сюжэт. Мы апыняемся ў кампаніі чатырох дзяўчын у школе і... усё. Фактычна гэта і ёсць увесь сюжэт. Далей падзеі не рухаюцца нікуды, а ўзаемаадносіны з дзяўчынай, якую ты абраў, стаяць на месцы. Прысутнічае цікавы аспект – кожны дзень вы таемна пераносіцеся ў іншы сэццінг – напрыклад з Японіі 80х на пост-саўковыя "окошко тумбочка кровать". Але акрамя візуала нічога не змяняецца, таму сэнса ад гэтага няшмат.

Я ўсю гульню чакаў, што адбудзецца твіст узроўня Doki Doki, і падзеі уйдуць кудысь у бок псіхалагізмаў, хорару ці хаця б кудысьці, але гэтага не адбываецца да самага канца, а там пачынаецца пустая "філасофія" ўзроўні кнігі НІСЫ і Тонкае Мастацтва Пафігізму. Карацей, жахліва становіцца, але не ў той бок у які хацелася б.

Moe Era – гэта твая крынжовая аднакласніца, якая ставіцца да ўсіх навокал як мамка і дае маральныя лекцыі з-за таго, што ты атрымаў 2 у журнал, хаця яно табе не трэба, не цікава і ты ўвогуле не разумееш чаму звярнуў на гэтую дзяўчыну ўвагу.

Улічваючы нядрэнны візуал і 2 добрых песні ў саўндтрэку, фінальная адзнака – 3/10.

Наша рэдакцыя не рэкамендуе нават адчыняць старонку гэтай гульні ў Steam, і тым больш забруджваць ёю свой жорсткі дыск.
Глядзіце і кахайце ўсё беларускае!

Mirror'S Edge

4 February - NeonKage | 0 Comments

Што можа выратаваць горад ад татальнага кантролю з боку адміністрацыі і ўціску свабод?
ВІДАВОЧНА – купка кур'ераў!!!
Фабула:

Акрамя жартаў, у дыстапічным свеце Mirror’s Edge галоўная гераіня страціла маці падчас пратэстаў, пасля чаго пакідае свой дом і трапляе ў кола так званых "бегуноў", якія займаюцца дастаўкай важных разведдадзеных для апазіцыянераў якія змагаюцца за вяртанне права жыхароў горада на самавыяўленне і свабоднае жыццё без відэаназірання і пастаянных патрулёў.

Адчуваючы жаданне грамадства, з’яўляецца палітык, які балатуецца на мэра горада, каб спыніць таталітарнае кіраванне цяперашняй улады, але становіцца ахвярай замаху. На месцы злачынства галоўная гераіня Вера сустракае сваю сястру-паліцэйскую, якая ўсебакова падтрымлівала праграму загінулага кандыдата. Пасля кароткай размовы мы даведваемся, што яна злачынства не здзяйсняла, але прыбыўшыя, як заўсёды своечасова, сілавікі ёй не вераць.

Пасля гэтага перформансу Вера бярэцца за расследаванне, спрабуючы ачысціць імя сваёй сястры і аднавіць справядлівасць. Але яна сутыкаецца з супрацівам прыватнай ахоўнай кампаніі і здрадай сяброў. Ці ўдасца ёй уратаваць родную ад трыбунала – залежыць толькі ад вас!

Тэхнічны стан:

Асноўная механіка гульні – паркур, які адчуваецца рэалістычным і выклікае складанасці пры праходжанні. Немагчыма ўзлезці на двухпавярховы будынак адным націскам прабелу. Усе трукі выглядаюць эфектна і не паспяваюць надакучыць да канца гульні (магчыма, таму што на яе праходжанне спатрэбіцца не больш за 6 гадзін).

Таксама прысутнічаюць элементы рукапашнага бою, які не адстае па эпічнасці ад паркуру. Але нельга проста ўзяць і накалотзіць ворагам з агнястрэлам, не сабраўшы ў кішэні свінцу. Вядома, страляніна таксама ёсць, але адчуваецца грувасткай, і малая колькасць набояў разам з "губчатасцю" ворагаў прымусіць вас дзейнічаць больш гнутка. Часцей за ўсё лепш выбраць хуткае ўцяканне, чым зацяжны бой, бо ў паліцыі патроны бясконцыя!

Прысуд:

Гульня атрымлівае трывалае 7 з 10 за кляйшаваную, але захапляльную фабулу, класны паркур і бокс, а таксама за галоўную думку:
"Добра – не заўсёды значыць спраўна."

Рэдакцыя рэкамендуе гэтую залатую класіку і нагадвае
Глядзіце і кахайце усё беларускае