ມາສອນພາສາລາວໃຫ້ Steam ກັນ!

For translator who interesting in helping localize Steam to Lao.

VIEW ALL

POPULAR DISCUSSIONS

VIEW ALL (1)

RECENT ANNOUNCEMENTS

ຮວມໂຕນັກແປ, ມາສອນພາສາລາວໃຫ້ Steam ນຳກັນ!

24 December, 2014 - Defago | 0 Comments

ກ່ອນອື່ນຂໍສະບາຍດີທຸກທ່ານທີ່ເຂົ້າມາອ່ານ ຫຼື ເຂົ້າຮ່ວມກຸ່ມກັນກ່ອນ.

ເນື່ອງຈາກເຫັນວ່າຈຳນວນຄົນໃຊ້ Steam ໃນລາວນັ້ນຫຼາຍຂຶ້ນທຸກມື້ ແລະ ຫຼາຍຄົນກໍບໍ່ເກັ່ງພາສາອັງກິດ ເຮັດໃຫ້ຕ້ອງໄດ້ພາສາໄທແກ້ຂັດໄປກ່ອນ, ຍ້ອນແນວນັ້ນຈຶ່ງເປັນແຮງບັນດານໃຈໃຫ້ຂ້າພະເຈົ້າຢາກສ້າງທີມເພື່ອແປ Steam ໃຫ້ເປັນພາສາລາວນຳກັນ.

ສຳລັບຂ້າພະເຈົ້າຜູ່ເປັນຫົວໜ້າກຸ່ມແປນີ້ ແມ່ນຊື່ ແອ ຫຼື ຄົນມັກເອີ້ນວ່າ Defago ແມ່ນມີປະສົບການໃນການແປຜະລິດຕະພັນຫຼາຍໆອັນມາເປັນເວລາ 3 ປີແລ້ວ. ໂດຍມີປະສົບການແປລະບົບໃຫ້ທັ່ງ Google, Joomla!, Acer, Nokia ຯລຯ.
ດັ່ງນັ້ນຈະຂໍສັນຍາວ່າຈະໃຊ້ປະສົບການທີ່ແປມານຳຫຼາຍໆບໍລິສັດມາແລ້ວ ເພື່ອມາເຜີຍແພ່, ສອນ ແລະ ສ້າງທີມແປ ເພື່ອໃຫ້ Steam ຮູ້ຈັກພາສາລາວໃຫ້ໄດ້.

ທຸກຄົນແມ່ນສາມາດເຂົ້າຮ່ວມກຸ່ມນີ້ໄດ້ ແຕ່ສຳລັບຜູ່ທີ່ຈະມາຮ່ວມເປັນທີມແປນຳເຮົາແທ້ໆ ແມ່ນເຮົາຈະມີການສອບເສັງເພື່ອຄັດເອົານັກແປເສຍກ່ອນ ໂດຍລາຍລະອຽດການສອບເສັງນັ້ນຈະມາປະກາດໃຫ້ຮັບຮູ້ກັນອີກບາດນຶ່ງນໍ້.
ເຊິ່ງວ່າຈະເອົາຈັກຄົນນັ້ນແມ່ນຍັງບອກບໍ່ໄດ້ເທື່ອເຊັ່ນກັນ.

ຕ້ອງມີຄວາມສາມາດແນວໃດຈຶ່ງຈະມີສິດ?
1. ພິມ ແລະ ໃຊ້ພາສາລາວຄ່ອງໃນຄອມພິວເຕີ ແລະ ອິນເຕີເນັດ.
2. ມີຄວາມຮູ້ພາສາອັງກິດ ອ່ານ ແລະ ເຂົ້າໃຈໄດ້ດີ.
3. ຮູ້ຈັກຫາຂໍ້ມູນຕ່າງໆໃນອິນເຕີເນັດ.
4. ພ້ອມທີ່ຈະຮັບການຕິຊົມ ແລະ ນຳໄປພັດທະນາປັບປຸງຕົນເອງ.

ການປະກາດເທື່ອທຳອິດກໍຂໍຈົບໄວ້ເທົ່ານີ້ກ່ອນ.
ທ່ານໃດສົນໃຈຕິດຕາມ, ເອົາໃຈຊ່ວຍ, ຢາກຮ່ວມແປ, ຢາກເປັນຄົນກວດ ຯລຯ ສາມາດເລີ່ມເຂົ້າກຸ່ມກັນໄດ້ເລີຍເດີ້

ສຳລັບມື້ນີ້ສະບາຍດີ :)