Gittokrang ranengaha, an'chi ringna nangengaha ,
Atchu ni katta agan gimin daode
ongbaengaha aramrang gisimaha,
salgioba elepaha agano aganchakja,
kakketosa datkapaha
ia gitko seanina goeraba goaichina
a'chik jat ni an'chi, ada pante ong'e
dingdoenga kaa chalang appa rakka bobilrangba dingna kena, dinggipako
boli on'na misilanan kate chaka
Anga papsa saksa, atchia mite paksa,
nikgen norok, na'mang dangtapode angko
an'chi pakna ,
gipin bangsi sikkanade chrok mesaja angade an'tang sol'a wil'a am'bol pitte wa'al sika
maiko nia?, nangni jumang re'chakaton
do'gisika nangna kakket parape'a
chang ni chang de agantaija
bilgiting, wa'gitinge, wa'saeming silmittingsa galchippa man'ne dal'bajok gisikan norokosa
wa'alkon chingdapatgen, sangknikon mikmalatgen ,Nionne katta agangipa,
nidotaina nanggen ,e'sal-o depatenga na'songnanba sakkin gatta ,cha'eming namnikode na'song gimikkon mitella